Instagram

Hi Schnallene!

Vo Links nach Rechts: Justin Abell, Alexandria Kern, Alex Oman, Ich, Riley Daniels, Rachel Rivette

"Tomorrow has not been promised, so today I want all my friends to know how thankful I am for each and every one of you and how blessed I feel that you are all a part of my life" 

Thank you guys for welcoming me into your lives and being such good friends. You guys made it so much easier for me to get comfortable here. I love all of you guys and I'm going to miss every single one of you! 

The happiest place on earth!

Hi Schnallene! 

Ich hans Glück gha das mich im Februar eh sehr gueti Kollegin vo mir go bsueche cho isch. Mir hend eh super Zit gha uf euere Los Angeles Tour und vom "happiest place on earth" wemmer eu gern en chline Ihblick geh. 

WELCOME TO DISNEYLAND 

"the happiest place on earth" 

 Uf welli Bahn gaht mer als Schwizer natürlich zerst? - Matterhorn Bobsleds

d'Joelle vorem "Matterhorn"

Eh recht rasanti Bahn wo mer sich als Schwizer fast scho chli wie Dihei fühlt. Ob mer de Sicherheitsgurt au richtig ah het, checkt es Fräulein innere altmodische Tracht. 

 

Mir sind amene Zitstig gange und es hät darum gar nöd so viel Lüt gha. S'längste was mer ahstande sind isch 40 Minute gsie und sust hemmer eigentlich recht viel Glück gha. 

Mini Lieblingsbahn isch und bliebt d'Pirates of the Caribbean. Es isch richtig schön gmacht mit Liebi zu jedem Detail und hin und wieder gseht mer en Jack Sparrow hinderem Rumfass füregüggsle. Au d'Jötti isch begeisterte gsie vo dere Bahn. Bi dere magische Atmosphäre wo mer gespührt wenn mer i dem Boot sitzt und de Piratealltag beobachtet, wird mer gar nöd bös wemmer bi dene zwei "Drops" wo d'Bahn beinhaltet, echli nass wird. 

Mit "Yo ho, yo ho, a pirate's life for me" no im Chopf simmer denn eus de Weg dur de Park go sueche und uf anderi magische Bahne wie Peter Pan's Flight, eh Bahn wommer imene flügende Pirateschiff abhebt und über London us is Neverland flügt. Atemberaubend und unglaublich traumhaft. 
Nachdem han ich d'Joelle chöne überrede mit mir is Haunted Mansion Hus z'cho. Grusel! Grusel! Zum eus vo dem Schreck z'erhole simmer den uf eh Star Tour — The Adventures Continue. Obwohl mer sich uf de öpe 7 minütige Fahrt nöd vom Fleck bewegt isches eh überraschend gueti Fahrt imene Rumschiffsimulator. Sogar bim ahstah gseht mer scho sehr viel spannende Sache und wird vo sprechende Roboter unterhalte. Uf die nöchst Bahn hemmer denn grad 2 mal müsse. Space Mountain isch eh rasanti Bahn in dunkle wo d'Joelle und ich vergliche würdet mit de Eurosat im Europapark. Zum eus echli z'entspanne simmer denn uf The Many Adventures of Winnie the Pooh und ufs Mark Twain Riverboat, es Boot wo um de chlini See fahrt für 15 Minute. Anderi Bahne womer no druff sind wäret: Buzz Lightyear Astro Blasters womer gegenand eh Art Laser Tag, d'Mad Tea Party wo wie immer awesome isch.

Aber nebet Bahne het s'Disneyland au no vieles anderes z'büte. Hundertusigi verschideni Stores mit herzige Artikel vo dim Lieblings-Disneyfigur und lustige Gadgets. Und well mer da ja in Los Angeles, California sind wo alles sehr troche isch und mer nebet Palmene nöd sehr viel grüens gseht (unser mer gaht uf Beverly Hills) sind au die verschidene Pflanze sehr schön zum aluege. 

Churs bevor mer denn au scho wieder hend müsse gah, simmer uf'd 
Indiana Jones™ Adventure und well mer no Zit gha hend und mer gar nöd het müsse ahstah, simmer au da no es zweits mal gange. Und denn eusi letscht Bahn isch d'Jungle Cruise gsie. Au wenns nur Plastik Tierli und fake exotischi Pflanze sind fühlt mer sich wie im Jungle… es bizeli wenigstens. 

Und das wer euse Trip gsie an "happiest place on earth" wer mal ide nöchi vo eim isch (Paris, Orlando oder ebe Los Angeles) söt unbedingt mal gah!

D'Joelle und ich mit eusne 3D Brüllen am astah für d'Star Tour 

D'Joelle und ich uf em Space Mountain 

S'Mark Twain Riverboat 

S'Hunted Mansion House

Happy Holidays

Hi Schnallene! 

D'Ferie sind schowider ume und abem Mäntig gahts widder id Schuel. Es froit sich glaubs niemert so richtig aber wenigstens hemmer eh schöni Zit gha und spannendi Festtäg. 

D'Amerikaner firet Wiehnachte am 25. Dezember und am 24. Dezember firets sogenannte Christmas Eve. Am 24. simmer darum all zemme id Chile gange für eh wunderschöni festlichi Mäss. Am nöchste Morgen (Oh Wunder!) isch de Santa cho und het ganz viel Gschenkli bracht. Delaney het mich und d'Sami am 6i am Morge ufgweckt zum euse "Stocking" ufzmache. Das isch en überdimensionale Socke wo mit chlinere Gschenk gfüllt isch. Nachdem mer de ufgmacht hend hemmer müsse warte bis de Rest vode Familie ufwachet. Ich hans Recht komisch gfunde well ich han nonie Gschenk amene Morge ufgmacht aber es isch au irgendwie lässig gsie und halt richtig Amerikanisch. 

Ich han es Footie Pajama becho und ganz viel anderi Sache wonich mich riesig drüber gfroit han.  D'Familie het sich au super über d'Schwizer Sackmesser und d'Swatch Uhre gfroit. 

Denn nur wenigi Täg spöter nach mim Trip zu minere Cousine uf LA isch denn au scho Silvester gsie. Well d'Grosseltere uf Bsuech cho sind han ich und d'Sami müsse ide Delaney ihrem Zimmer schlafe. Ah Silvester isch denn widder d'Familie Omen uf bsuech cho und mir (d'Kids) hend eus überleit was mer mache söttet. Nach chli Ahfangsschwierigkeite isches denn zumene richtig guete Abig worde. Mir hend es Fürli gha vor eusem Hus und wärend "die Erwachsnige" dine gsie sind, sind ganz unerwarted mega viel Kollege vo eus uftaucht und ums Für gsesse ich glaube es sind ohni eusi Autos öpe 15 Fahrzüg vor eusem Hus gstande. Nachdem mer denn im Fernseh gseh hend wie de "Ball dropped" simmer mit all dene Autos chli umegfahre und hend chli Fürwerk abglah. Es isch wahrschindlich eis vo mine ruhigere Silvester gsie aber au eis vode beste. En super start ines neues Jahr ufjedefall! 

Happy New Year Schnallene! 

Halloween

Hi Schnallene!

Es isch Halloween gsie und da in Amerika isch das grösser als sust noimets. Alles het ahgfange am Morge wo mer ufgwacht isch und sich anstatt normali Schuelchleidig es Kostüm überzoge het und id Schuel isch. 

 In Amerika gahts eigentlich nöd drum wie gruselig mer sich verkleidet. Die meiste Lüt verchleidet sich eifach lustig oder sexy. Ich han grusel und lustig irgendwie kombiniert und bin denhalt "death Super Girl" gsie. Ja, mis Kostüm isch so chli zu mim Halloween Dilema worde. Scho Wuche vor Halloween hani mer nämlich überleit als was ich gah will und ich han mich fürs Amerikanischte entschide was mer  in Sinn cho sich: Wonder Women. Aber das Kostüm hät die liebi Firma leider erst am Halloween Abig bracht und so hani müsse es anders Kostüm für d'Schuel finde.

 Aber denn bim Volleyball Game nach de Schuel isches denn au endlich acho. Nachem Volleyball Game simmer alli nach Pinon Pines gange go "Trick or Treating". Eigentlich isch mer mit 17i viel zalt für das und das weiss da au jede, aber alli machets irgendwie no gern und ich gseh nöd i was schlimm drah isch well, hei wer seit scho nei zu gratis Candy!
Ich han sogar bi eim Hus es Schwizer Lindor chugle becho.
Die meiste Hüser sind fantastisch dekoriert gsie. Chürbis, Grabstei, Gspängster, Zombies und und und. Während mer so durs Dorf gloffe isch isch mer immer widder bekannte Gsichter begägnet.

 Au mini Gastfamilie het s'Hus dekoriert und en Tag vor Halloween het jede vo eus Pumpkin carved.

De Cody (min Host Brüeder) am sin 20$ Chürbis schnitze

Eusi schöni Cürbis Familie! 

Und das isch min gruselige Chürbis 

Wommer so dur Pinon Pines gloffe sind und eus übers beste Kostüm unterhalte hend isch plötzlich en Mah mit Maske und ere Chetesägi usem Nüt gsprunge und eus nahgrennt. Ich hans so nöd erwartet und drumm bini au richtig verschrocke, aber es isch uh lustig gsie und ich glaube mer chan das Video jetzt uf Youtube ahluege. Am Endi vom Abig simmer denn no schnell is Auto ghüpft und zude Alex gfahre well sie nämlich es Lagerfür gha het und eh par Lüt ihglade het. 

Und s'beste Kostsüm vo Tag het sicherlich de Taco gha, en Bueb us Kanada wo sich selber allne als Taco vorstellt (au wenns nöd Halloween sich).

Viel Süessigkeite, viel fun und wenig Schlaf. Am nöchste Tag simmer sehr sehr spat erst id Schuel gange. De Direktor isch aber froh gsie und het eus gseit das er glücklich isch das mer überhaupt cho sind well nur 45% vode Schüeler da sind. Halloween isch so viel grösser da, ich glaube ich muss jetzt jedes Jahr uf Amerika cho nur scho für Halloween würds sich's uf jede Fall lohne.  Wie isch eues Halloween gsie? 

Alles Liebi us aMeryca mini Liebe! 

Homecoming

Hi Schnallene! 

Wer denkt het das Schuel nöd lässig chan sie, het falsch denkt! Vorallem da in Amerika isch "School Pride" nämlich es grosses Thema. 
Letscht Wuche isch Homecoming-Week gsie. Was das isch? 
Es isch eh Wuche wo jede Tag es Motto het und am Endi vode Wuche am Fritig git's es grosses Football Game und en Tanz. 

Bi eus het d'Wuche so usgseh: 

Mäntig - Sports Day

Findsch mich uffem Bild? Ich han vode Alex es Fan Shirt becho vonere Football Mannschaft und han mer so zwei Streife is Gsicht gmalet, so wies Footballspieler möchet. Alli Sportarte sind ah dem Tag verträtte gsie ade Schuel. Ich han Baseballspieler, Softballspielerinne und sogar eine miteme David Villa Shirt gseh! WUHU EUROPE POWER! 

Zistig -  Tiki (Beach) Day

Am Tiki Day isch die ganz Schuel imene Strand-Feeling gsie. De Eric de Alex und de Riley ganz bsunders. Ich han so müsse lache wo die z'drite so ahgleit dur Tür gloffe sind. S'beste hani aber gfunde das die Ukulele nöd nur Verziehrig gsie sind sondern die 3 au wük hend chöne druff spiele! 
Ich selber han eh Hawaii Blueme ide Haare gha und es Chleid treit. 

Mittwuch - Western Day 

Upps! Ich han leider leider keis einzigs Foti gmacht am Western Day. Wahrschindlich lit das drah das ich mich selber nöd mal dezueh verchleidet han. Ich bin nöd so de Fan vodene Amerikanische Cowboy Stifel und dene karrierte Hemde* und vo Country Musik scho gar nöd. Troztdem alli andere hend sehr froid drah gha und ich glaube öper miteme Lasso z'gseh z'ha. 


*oder Hömlis hahaha 


Dunstig Punk\Crazy Hair Day

De Tag hani denn widerum gliebt und mich voll is Züg gleit mit minere Verchleidig. Miteme schwarze Lidschatte und schwarze Lippe hend sich no einigi ab mir verschrocke am Dunnstig. Au wenns ufem Foti nöd so usechunt aber mini Lippe sind wük rabeschwarz gsie und das het mer irgendwie froid gmacht. 

Frititg - Spirit Day

De Fritig isch denn de Tag gsie wo sich alli in Schuel Farbe (Navy Blue und Silber) ahzoge hend. D'Cheerleader und d'Football Player hend ihri Unifrom treit und ich han es par Lüt gseh miteme Falcon Pride Shirt. 

Da ich in ASB bin han ich die Wuche und vorallem am Fritig lang gschaffet für d'Homecoming Rally und de Tanz. ASB isch so öpis wie bi eus es Schüelerparlament. Es sind die Lüt wo sich Spili für Rally's überleget, Poster malet, Tänz organisieret, Fundraising machet und nomeh Poster malet. Ich froi mich jede Tag uf die Stund aber mir malet wük echli z'viel hässlichi Poster und s'Organisatiorische bliebt denn immer ah einere Person hänge. 

Jedefalls isch den am Fritig die Rally gsie. Eh Rally verlauft eigentlich so, dass nachem Mittag de erst Teil vode Stund usfallt und alli sich ide Turnhalle treffet. Det hend denn d'Cheerleader en chline Uftritt und es werdet Spili gspielt zum de Falcon Pride z'ahtriebe. Es isch eigentlich immer sehr lustig und eh gueti Abwechslig zum langwilige Schuelalltag. 

GO BIG BLUE! 

Mis Poster

Nach de Rally hend d'ASB Members müsse ide Schuel bliebe zum de Tanz organisiere. Mir hend denn aber mehrheitlich ah eusne Floats bastled. Mit 2 Stunde Verspötig isch denn d'Lina ahcho. Sie lebt 1 Stund und 15 min vo mir weg und chunt au us de Schwiz. Mir kennet eus vom Bryant Camp oder besser gseit vom Londoner Flughafe. Sie isch mich das Wuchenden go bsueche cho und mit mir ah Homecoming gange.

Denn het au scho bald s'Game ahgfange und d'Floats hend müsse ums Spielfeld fahre. Well d'Lina und ich nöd hend welle fürs Spiel zahle simmer denn eifach uf de Truck gsesse wo eusi Senior Float zoge het und mitem Truck rundume gfahre. Das isch es eimaligs Erlebniss gsie. 

De Sophomore ihri Float. Thema: Hip Hop

D'Float vode Junoir's. Thema: Hawaii

Eusi Float. Thema: Country, ja mer chan sich vorstelle wie happy ich gsie bin. 

D'Lina und ich hinde ufem Kent sim Truck mit de Heahter.

Nebet de Floats sind au no d'Homecoming Prince und Princese rundume gfahre worde. Traumhaft!

Tristen homecoming prince mit Laura homecoming princese 

S'Game ansich isch denn wider super spannend gsie aber mega chalt. Mir hend wider mal gwunne und alli sind gueter Lune gsie. 

Matt Regan mitem Ball und Thomas Nierhoff

Ide Halbzit isch den wieder eh riese Show abgange. Zerst hend eusi liebe Cheerleader widdermal ihre Uftrit gha. 

Nachdem sind eusi Nominierte für Homecoming King und Homecoming Queen s'Spielfeld durab gloffe mit öperem vode Familie. Währetdem isch über Lutsprecher Sache über die Persone vorglese worde wie zum Beispiel: Lieblings Zitat's und wem sie alles danket. 

Da lauft grad d'Alex mit ihrem Vater und ihrere Schwöster

Wo alli denn gloffe sind isch King und Queen denn verrate worde. Leider hend nöd die gwunne für die ich gvoted han aber es Pärli het gwunne und sie hend sich beidi mega gfroit. Mit Chrone und Diadem sinds denn nomal um s'Feld gfahre worde und bejubelt worde. Es isch wiedermal gsie wie im Film!

De Tanz nacher isch eher chli lahm gsie, wie ich gfunde. Da sind eusi Schueltänz sogar no besser. Jede zweiti Song isch en langsame Song gsie und au wenn ich en liebe, herzige Sophomore gha han wo mich immer zum tanze ufgforderet het isches doch eher nervig* gsie. Aber ich han de Abig troztallem gnosse und die restlichi Wuche au! 

*nöd s'tanze mitem Sophomore, sonder allgemein die langsame Lieder

S'restliche Wuchenendi mit de Lina isch denn au no super gsie. Es isch wiedermal chli Heimat gsie wo mich go bsueche cho isch und ich han eh tolli und lustigi Zit mit ihre verbracht.

Alles liebi us aMeryca mini Liebe! 

Volleyball & Hollywood

Hi Schnallene! 

Ich han grad es wunderbars Wucheendi gha wonich jetzt gern mit eu würd teile. Ahgfange het eigentlich alles demit das mini Host Family id Ferie gange isch. Ich han darum vom Zisitg bis am Sunntig (5 Nächt) bi minere guete Kollegin de Alex gwohnt. Sie spielt im Varsity Volleyball Team und het am Fritig und am Samstig es Turnier gha in Cal City. 
Well Sport in Amerika super wichtig isch laht d'Schuel sogar zueh das die wo Volleyball spielet d'Schuel derfet verlah wenns anes Spiel münd. Darum sind alli Volleyball Spieler und ich am Fritig am Mittag in Bus gsesse und uf Cal City gfahre. 
Cal City isch wükli im nirgendwo usse und wells ebe es zweitägigs Turnier gsie isch hend die meiste Spielerinne im Hotel übernachtet und mir natürlich au. 

Varsity Volleyball Team FMHS Go Falcons

Klicket uf das Bild und ihr gsend Links wie d'Rachel (#1) grad eine vo ihrne super powervolle* spikes anefätzt. Echt fasziniert wie viel Chraft so öper chan ha, vo somene Ball will mer nöd troffe werde. 

* Super Dütsch-Englisch mix Wort

Mini chli Alex 

Jedes Team muss au mal Linierichter mache, de Rachel und de Alex machts uf jedefall Spass

Am Fritig nachem Game hend alli Hunger gha & mer sind mit ere Gruppe go Pizza esse gange. Leider hemmer fast eh Stund uf eusi Pizza müsse warte well alli 25. Teams irgendwie i die glich Pizzeria gange sind. Aber d'Pizza isch schlussendlich defür umso besser gsie!

Linki Site: Ich, Rachel, Alex 

Rechti Site: Mr. Kern, Alex Kern, Maggie, Carissa (Rachel ihri chli Schwöster) 

Im Hotel hemmer denn no eh chlini Party gmacht und öpe 9 Folge vo ridiculousness glueget und glachet bis zum geht nicht mehr. 

Denn am Samstig sind eusi Falcons 5. worde vo 25. Teams gar nöd mal so schlecht. Jedefalls simmer nachem Tunrier no öpis go esse und denn los nach Hollywood gfahre. 

Det acho simmer 10 Minute bevor de Hotel Pool zuegmacht het no in Pool gsprunge und hend spannendi Gspröch mit verschidene Lüt gha. Zu einem wer da en zuekünftige Schriftsteller wo eus vo sim spannende Lebe verzellt het und zum andere en junge Mah wo eifach ungaublich berühemt usgseh het. Uf d'Frag ob er denn berühemt isch hetter gseit "ich wünscht ich wär's" und het sich über sis ach so lute auto beklagt. Ja es isch spannend was mer so für Lüt in Hollywood ahtrifft. 

Am Rockstar sis "lute" Auto

Am Sunntig Morge simmer denn in Starbucks und hend eus es super feins z'Morge gholt (wie's sich halt ghört in Hollywood) und hend eus nacher uf de weg gmacht zum Walk of Fame. 

Hollywood isch öpe so wie ich's mer vorgstellt han eh grossi City mit vielne verrückte und spezielle Mensche. Mir hend euse Spass gha am Walk of Fame.

Ich han mich amigs echli komisch Gfühlt uf d'Sterne druff z'stah well ich gfunde han das isch chli respektslos aber nachere Zit het sich au die lieb Meriel drah gwöhnt, d'Alex het gseit ich het en Egge ab.

Strassekünstler faszinieret mich immer und immer widder. 

Denn hemmer doch no en Star gseh und sini Frau isch sogar au debi gsie. Mickey & Mini 

Kennt das öper vo eu vlt usseme Film? 

Hans voll lustig gfunde det zstah wo ich scho Stars gseh han stah.  

Achtung au shoppe im $5 - Store wird irgendwen tür!

Vo wiiiiitem hemmer denn au s'Sign gseh! 

Nachem Walk of Fame simmer denn nach China-Town gfahre ines ungaublich guets Restaurant go esse und nochli billig go shoppe. 

Nacher hemmer eus denn aus cho uf de Heimweg gmacht. Da d'Alex Country Music mega gern het und mir ah dem weekend mega oft Auto gfahre sind und Musik gloset hend hani jetzt langsam country au gern becho. Und obwohl ich am ahfang gar nöd han möge aber jetzt gits sogar par Songs woni nüme ussem chopf bechume. 

d'Alex am Autofahre

Bim Hei fahre simmer denn no 2 Stunde im Stau gstande aber nöd mal das het das wunderbare Wuchendeni chönne kaputt mache. Für mich isches eis vode beste Wuchendi gsie bist jetzt. Ich bin de Alex und ihrere Familie so dankbar das sie mich mitgnoh hend und mir Hollywood zeiget hend. 

Alles liebi us aMeryca mini Liebe!